Fyrra hálvár í ár hevði Norðoya Sparikassi 7,9 milliónir í avlopi. Tað er meiri enn í sama tíðarskeiði í fjør, tí fyrra hálvár í fjør var avlopið fimm milliónir.
Og stjórin, Marner Mortensen sigur, at samanumtikið eru tey nøgd viðgongdina.
Útlánini øktust úr 1.886 milliónum upp í 1.943 milliónir, ið svarar til ein vøkstur upp á trý prosent. Innlánini øktust úr 2.302 milliónum upp í 2.350 milliónir, og svarar til ein vøkstur upp á 2,1 prosent.
Innlánsavlopið var 407 mió. kr. pr. 30. juni 2019 og stjórin staðfestir eisini, at gjaldførið er gott og somuleiðis er solevensurin góður.
Tann 24. septembur í ár verður sparikassin 100 ár og alt árið í ár verður hetta hátíðarhildið við tiltøkum.
Startskotið var krúnprinsavitjanin í august mánað í fjør, eins og Sparikassin var við á Torradøgunum og fleiri øðrum tiltøkum.
Hundrað ára hátíðarhaldið endar við serligum tiltaki fyri ábyrgdarum, viðskiftafólki og almenninginum í ítróttarhøllunum í Klaksvík leygardagin 28. september.
