Manchester City vann í gjár 6-3 á Manchester United. Erling B. Haaland og Phil Foden skoraðu hvør sítt hattrik. Fyri Erling B. Haaland merkir tað enn fleiri málmet.
Norska heimsstjørnan hevur nú skorað 17 mál í 11 dystum, harav 14 mál í átta dystum í Premier League. Tað er púra óhoyrt fyri ein nýggjan spælara í Premier League. Hann hevur skorað hattrik í trimum heimadystum upp í slag. Tað er ongantíð hend fyrr.
Hann hevur nú skotið trý hattrik upp á átta dystir. Næstur honum er Michael Owen, sum brúkti 48 dystir at klára tað. Erling B. Haaland er fyrsti spælarin í Premier League tíðini, sum er frá 1992, at skjóta hattrik í grannauppgerðini. Vit skulu heilt aftur til 1970, fyri at finna eitt hattrik í hesi grannauppgerðini.
Manchester City var á odda 4-0 í hálvleikinum, og var eitt skifti á odda 6-1. Innskifti Anthony Martial fekk tó minkað tvær ferðir, so tað endaði 6-3. Tað fekk eisini Pep Guardiola, venjara hjá Manchester City, at ilskast um smálutir í spælinum í seinna hálvleiki.
| 1 | Arsenal | 8 | 7 | 0 | 1 | 20:8 | 21 |
| 2 | Manchester City | 8 | 6 | 2 | 0 | 29:9 | 20 |
| 3 | Tottenham | 8 | 5 | 2 | 1 | 19:10 | 17 |
| 4 | Brighton | 7 | 4 | 2 | 1 | 14:8 | 14 |
| 5 | Chelsea | 7 | 4 | 1 | 2 | 10:10 | 13 |
| 6 | Manchester Utd | 7 | 4 | 0 | 3 | 11:14 | 12 |
| 7 | Newcastle | 8 | 2 | 5 | 1 | 12:8 | 11 |
| 8 | Fulham | 8 | 3 | 2 | 3 | 13:15 | 11 |
| 9 | Liverpool | 7 | 2 | 4 | 1 | 18:9 | 10 |
| 10 | Brentford | 8 | 2 | 4 | 2 | 15:12 | 10 |
| 11 | Everton | 8 | 2 | 4 | 2 | 7:7 | 10 |
| 12 | Leeds | 7 | 2 | 3 | 2 | 10:10 | 9 |
| 13 | Bournemouth | 8 | 2 | 3 | 3 | 6:19 | 9 |
| 14 | Aston Villa | 8 | 2 | 2 | 4 | 6:10 | 8 |
| 15 | West Ham | 8 | 2 | 1 | 5 | 5:9 | 7 |
| 16 | Southampton | 8 | 2 | 1 | 5 | 8:13 | 7 |
| 17 | Crystal Palace | 7 | 1 | 3 | 3 | 8:11 | 6 |
| 18 | Wolves | 8 | 1 | 3 | 4 | 3:9 | 6 |
| 19 | Nottingham F. | 7 | 1 | 1 | 5 | 6:17 | 4 |
| 20 | Leicester | 7 | 0 | 1 | 6 | 10:22 | 1 |
