Tað skal ganga teimum ógvuliga illa á Ólasøku, um genturnar umborð á Erlu Kongsdóttir úr Fuglafirði ikki skulu vinna FM kappingina.
Aftur í dag vunnu tær sannførandi sigur, og tað styrkti um teirra støðu í kappingini um FM, at tað í dag ikki eydnaðist Hvassa úr Sundalagnum at vinna seg fram á næstfremsta plássið.
Fípan Fagra úr Klksvík hevur fleiri ferðir fyrr í summar verið framvið á fyrra partinum av teininum, men so eru tær dragnaðar. Í dag stemmaði tað væl hjá teimum úr Klaksvík, sum endaðu á øðrum plássi, og munurin var ikki størri enn so, enn at tær umborð á Fípuni kunnu droyma um sigurin á Ólavsøku. Men Erla Kongsdóttir verður ring at taka!
Frá Hvassa á triðja plássi og aftur til hinar bátarnar var munurin tað mesta av einari bátslongd.
1 Erla Kongsdóttir 05:20.19
2 Fípan Fagra 05:21.21
3 Hvassi 05:23.21
4 Tjaldrið 05:25.23
5 Sílið 05:26.08
6 Blikur 05:27.12
7 Ørnin 05:29.08
8 Royndin Fríða 05:39.03
9 Pílur 05:40.22
Støðan
1 Erla Kongsdóttir 40
2 Hvassi 37
3 Blikur 26
4 Sílið 20
5 Tjaldrið 18
6 Fípan Fagra 16
7 Ørnin 6
8 Royndin Fríða 5
9 Pílur 0
