Fimm av seks teimum undanfarnu árunum var tað Erla Kongsdóttir, sum vann FM í kappingini millum 5-mannafør við kvinnum.
Í Vikuskiftissosialinum varð sagt, at tað er nýggj manning, sum nú skal verja FM heitið hjá teimum í Fuglafirði, tí tær flestu av teimum, sum hava róð, eru ikki tøkar í ár.
Merkisvert er tað, at tað er bara stýrimaðurin, sum býr í Fuglafirði. Allar hinar eru úr grannabygdunum.
Í dag eydnaðist tað nýggju manningini á Erlu Kongsdóttir at vinna á norðoyastevnu.
Erla Kongsdóttir var í spennandi kapping við Blik av Argjum og við Heyk úr Hósvík. At enda vóru tað Blikur og Erla Kongsdóttir, sum fram ímóti málstrikuni kappaðust um at vinna, og tað var Erla Kongsdóttir, sum einn einaferð vann á norðoyastevnu.
1 Erla Kongsdóttir 05.28.28
2 Blikur 05.29.26
3 Heykur 05.35.04
4 Falkur 05.40.18
5 Báran 05.49.49
6 Junkarin 05.50.40
7 Spógvin 05.52.20
8 Teistin 05.52.22
