Sjógvurin er sum ein sveiti í Fuglafirði, har tað í dag er varmakeldustevna.
Stoltleikin hjá fulgfirðingum í kappróðri er Erla Kongsdóttir við kvinnum, sum undan varmakeldu hevði vunnið tríggjar sannførandi sigrar.
Heldur ikki í dag var nakar slingur í valsinum hjá Erlu Kongsdóttir. Í startspurtinum hevði Havfrúgvin úr Vestmanna hug at bjóða av í kappingini um fremsta plássið, men tað var bara á fáum metrum.
So legði Erla Kongsdóttir seg framum, grøni báturin økti støðugt um leiðsluna, og á málinum var Erla meiri enn átta sekund undan teimum báðu næstu.
Tað var stór kapping um næstfremsta plássið. Ta kappingina vann Havfrúgvin úr Vestmanna ímóti Teistanum á Argjum.
1 Erla Kongsdóttir 5.23.17
2 Havfúgvin 5.31.35
3 Teistin 5.32.44
4 Svanur
5 Junkarin
