Fyrrverandi lógmálaráðharri og formaður hjá tí danska Konservativa flokkinum, Erik Ninn Hansen, er nú farin.
Erik Ninn Hansen doyði sum 92 ára gamal. Hann var eitt stórur spælari í donskum politikki í mong ár. Hóast hann ongantíð gjørdis forsætismálaráðharri, náddi hann at sita í fleiri umráðandi sessum, bæði sum ráðharri í mongum ymiskum ráðum, og sum Fólkatingsformaður.
Erik Ninn-Hansen er ein av teimum fáu politikarum, ið hevur verið innvaldur í meira enn 40ár á rað. Hann var innvaldur fyri fyrstu fer í 1953, og sat í tinginum heilt til 1994, tá ið hann valdi ikki at stilla upp aftur.
Hóast Erik Ninn Hansen hevur verið ein leiðandi politikari hjá tí konservativa flokkinum í Danmark í mong ár, so er hann nokk mest kendur fyri at verða landsstýrismaðurin, ið hevði høvuðsábyrgdina í kendu tamilsakini. Í hesari sak varð hann dómdur av Ríkisrættinum í 1995 til fýra mánaðar treytaðan fongsulsdóm.
