Danska veðurstovan DMI sigur, at tá ið kvøldið kemur, so verður heitari, og í kvøld og í nátt verður millum 3 og 6 stig.
Tað sæst tó einki til tað enn, tí framvegis eru hálkuávaringar kring landið, og í støðum eru nú niður í fýra kuldastig. Tað er kaldast á Gjáarskarði og á Norðradalsskari, har Landsverk sigur hesi 4 kuldastigini. Á Oyndarfjarðarvegnum eru 3 kuldastig, meðan tað eru 2 kuldastig við Norðskálatunnilin, á Kambsdali og á Gøtueiði.
Á Tjørnuvíkarvegnum, á Streymnesi, og Norðuri í Sundum í Kollafirði er 1 kuldastig. Við Velbastaðháls eru 2 kuldastig, meðan tað eru 3 kuldastig á Høgareyni. Tað eru 3 kuldastig á Sandavágshálsi, og 1 kuldastig á Vatnsoyrum. Á Brekkuni Stóru í Sandoynni er 1 kuldastig. Á Fámjinsvegnum eru 2 kuldastig, meðan tað er 1 kuldastig á Porkerishálsi.
Sostatt ræður framvegis um at ansa sær í ferðsluni, tí tað er hálkufráboðan at kalla um alt landið.
