Enski landsliðsvenjarin, Fabio Capello, hevur nú givið sínum leikarum í HM-hópinum ryggnummar. Og tað, sum enskir fjølmiðlar serliga festa seg við er, at David James hevur fingið troyggju nummar 1.
Eftir góða avrikið móti Mexico var annars væntað, at Robert Green fór at fáa hetta nummarið. Eisini bíta ensku miðlarnir merki í, at Peter Crouch hevur fingið troyggju nummar 9 heldur enn Emile Heskey, og at Joe Cole fekk 11-talið á ryggin. Væntað var annars áðrenn Gareth Barry fór at vera millum fremstu 11 nummørini áðrenn hann bleiv skaddur.
Miðlarnir vísa á, at tað er eingin trygd fyri, at 11 tey fremstu nummørini eisini er byrjunaruppstillingin gjøgnum kappingina, men mett verður, at tað rímiliga sannlíkt er uppstillingin til fyrsta dystin, sum verður móti USA.
Leikarar:
1: David James
2: Glen Johnson
3: Ashley Cole
4: Steven Gerrard
5: Rio Ferdinand
6: John Terry
7: Aaron Lennon
8: Franck Lampard
9: Peter Crouch
10: Wayne Rooney
11: Joe Cole
12: Robert Green
13: Stephen Warnock
14: Gareth Barry
15: Matthew Upson
16: James Milner
17: Shaun Wright-Phillips
18: Jamie Carragher
19: Jermain Defoe
20: Ledley King
21: Emile Heskey
22: Michael Carrick
23: Joe Hart
