Enn ein finala verður á ólavsøku

Síðsta leygardag á varmakeldu hølvaði Heiðabáturin Argjabátin av í tvíkappingini millum 8-mannaførini.

Í dag hevði Argjabáturin knivin á  barkanum, um tað skuldi eydnast teimum at varðveita FM spenningin inntil á ólavsøku.

Fyri viku síðani sprakk Heiðabáturin avstað, og so megnaði Argjabáturin einki at gera. Í dag var tað Argjabáturin, sum sprakk avstað, og Heiðabáturin megnaði einki at gera.

Nú stendur púra javnt millum hesar báðar bátarnar, og harvið verður á ólavsøku róð kapp um FM heitið.