Eitt lítið ferðsluóhapp var í nátt við brúnna um Streymin.
Ein maður í bili sínum koyrdi av vegnum og endaði í eini veit.
Maðurin gramdi seg um høvuðpínu og bleiv tí sendur á Landssjúkrahúsið til kanningar.
- Bilurin fekk ikki stórvegis skaða, og av tí at bilurin lá í eini veit og ikki forðaði ferðsluni, skuldi eigarin sjálvur syrgja fyri at fáa bilin úr veituni.
Tað er ógreitt, hví maðurin koyrdi út av vegnum.
