-Vit fara at gera nógv burturúr, og vit vóna, at kvøldið í REX verður nakað heilt serligt, eftirsum tað er fyrstu ferð, at vit framføra í REX, sigur Eyðun Nolsøe, ein av Frændunum. Seinasta vikuskiftið í februar bjóðar til tvær konsertir við Frændum, og menninir í bólkinum havi stórar vónir fyri endabrestinum. Við framførslum í REX og Mentanarhúsinum í Fuglafirði, trína Frændur á pall fyri seinastu ferð ? í øllum førum í hesum umfarinum.
Teir framførdu kring landið í fjør í samband við 25 ára hátíðarhaldið og nýggjastu útgávuna Frændur V, men fyri framman eru tær seinastu konsertirnar á hesum sinni við Frændum
-Hetta verða seinastu konsertirnar í fyrstu atløgu, men vónandi verður okkurt á skránni aftur í summar, sigur Eyðun Nolsøe.
Ætlanin var upprunaliga, at konsert skuldi verða við Frændum i Mentanarhúsinum í fjør, men vegna illveður var konsertin avlýst. Avgerð varð beinan vegin tikin um, at konsertin skuldi haldast seinni.
-Vit vóru ómetaliga keddir av, at konsertin bleiv avlýst í Mentanarhúsinum, og tí vilja vit nú halda okkara lyfti til Eysturoyingar, sigur Eyðun Nolsøe.
Fríggjakvøldið 26. februar verður eisini fyrstu ferð nakrantíð, at Frændur framføra í REX.
- Vit hava gjørt serliga nógv burturúr konsertini í REX, tí hetta er fyrstu ferð, at vit framføra har, og vit vilja gera hetta til eitt heilt serligt kvøld, sigur Eyðun Nolsøe.
Atgongumerki til báðar framførslurnar kunnu keypast á ebillett.fo.
