Í dag er kapping í estetiskum fimleiki í Høllini á Hálsi í Havn. Kappingin fyri pinkur og smágentur og B-kapping
Nú endar fimleikaárið fyri pinkur og smágentur. Kappingarnar verða í dag í ítróttarhøllini á Hálsi. 11 dómarar fara at døma hendan dagin.
Kappingin byrjar klokkan 13 við B-kapping fyri pinkur, smágentur og gentur Sjey lið luttaka úr Havnar Fimleikafelag, Flog og Støkk. Kappingin endar við heiðurmerkjahandan, og vinnararnar frá kappingini kunnu luttaka í FM.
FM fyri pinkur og smágentur byrjar klokkan 15.30, har átta lið skulu kappast frá Ljósinum, Havnar Fimleikafelag og Støkk.
FM kappingin endar eisini við heiðursmerkjahandan og steypi til ognar.
- Spennandi verður at vita, hvussu leikur fer, tí liðini hava førkað seg tættari hvørjum øðrum. So tað er einki avgjørt áðrenn, sjálvt um vit hava havt tvær steypakappingar frammanundan, sigur Katrin Abrahamsen, forkvinna í Fimleikasambandinum.
