Frakland hevur vunnið EM-millumbólk 1 í Köln, og Týskland liggur best fyri at fylgja teimum í hálvfinalurnar.
Týskland vann í kvøld greiðan 35-28 sigur á Ungarn, og eru týskarar nú eitt stig frammanfyri Eysturríki og Ungarn undan seinasta umfarinum mikudagin.
Tað leikaði meira javnt á í fyrra hálvleiki, og í steðginum var Týskland bert á odda 18-17. Í seinna hálvleiki vóru týsku vertirnir greitt omaná, eisini væl hjálptir av framúr góða málverjanum, Andreasi Wolff.
Vinnur Týskland á Kroatia mikudagin koma teir at møta Danmark í hálvfinaluni.
Týskland - Ungarn 35-28 (18-17)
Týskland : Julian Koster 8, Johannes Golla 4, Sebastian Heymann 4, Juri Knorr 4, Kai Hafner 4, Christoph Steinert 4, Jannik Kohlbacher 4, Rune Dahmke 3.
Ungarn : Gabor Ancsin 6, Miklos Rosta 6, Mate Lekai 4, Richard Bodo 4, Gergo Fazekas 2, Bence Imre 2, Bence Banhidi 1, Zoltan Szita 1, Bendeguz Boka 1, Patrik Ligetvari 1.
HER ber til at síggja samandráttin hjá Eurohandball frá dystinum millum Týskland og Ungarn:
##med2##
24/1 klokkan 14.30: Eysturríki-Ísland
24/1 klokkan 17.00: Frakland-Ungarn
24/1 klokkan 19.30: Týskland-Kroatia
Støðan:
| Nr. | Lið | Dystir | V | J | T | Málmunur | Stig | |
| 1 | Frakland | 4 | 4 | 0 | 0 | 139:122 | 8 | |
| 2 | Týskland | 4 | 2 | 1 | 1 | 113:107 | 5 | |
| 3 | Eysturríki | 4 | 1 | 2 | 1 | 108:112 | 4 | |
| 4 | Ungarn | 4 | 2 | 0 | 2 | 119:116 | 4 | |
| 5 | Ísland | 4 | 1 | 0 | 3 | 116:128 | 2 | |
| 6 | Kroatia | 4 | 0 | 1 | 3 | 116:126 | 1 |
