UEFA sigur nei
Tá Italia í gjár fór á vøllin at spæla móti Belgia, var tað fyrstu ferð í fimtan ár, at eitt italskt lið setti fót á leikvøllin, har 39 Juventus áskoðarar doyðu fyri 15 árum síðani.
Ta ferðina æt leikvøllurin Heysel, men í dag hevur hann skift navn til King Baudoin Stadion.
Italska fótbóltssambandið hevur spurt UEFA um loyvi til at minnast deyðu áskoðarnar við tøgn í 1 minutt, men UEFA hevur noktað fyri hesum.
Broytt odds
Ensku veddingarfyritøkurnar hava broytt sonevndu oddsini nakað, nú øll liðini hava spælt ein dyst hvør. Undan endaspælinum var Holland favorittar at vinna, men nuu verða fransmenninir tiknir fram um.
Frakland gevur pengarnar 3 ferðir aftur. Holland og Spania eru næst heitastu favorittarnar, og geva tey pengarnar ávíkavist 3,5 og 5 ferðir aftur, um spælt verður upp á tey.
Radal leikbannaður
Kekkiski verjuleikarin, Radoslav Latal, fekk reytt kort, aftaná at verða útskiftur í dystinum móti Hollandi, og hevur tí leikbann í dystinum móti Fraklandi.
Ongar fylgjur
Enski landsliðsvenjarin, Kevin Keegan, hevur sagt, at tað fær ikki fylgjur fyri David Beckham, at hann eftir dystin móti Portugal vísti ensku áskoðarunum, hvat hann helt um atburð teirra.
Danir hvíla seg
Heili tíggju av donsku leikarunum hvíldu seg týskvøldið, ístaðin fyri at vera við til landsliðsvenjingina.
Danir hava í løtuni fleiri trupulleikar við meira og minni álvarsligum skaðum, og tí er umráðandi at leikararnir fáa neyðugu hvíldina, verður sagt úr donsku venjingarleguni.
Staam klárur
Hollendski verjurisin, Jaap Staam, sum noyddist út, tá tað restaðu einir 20 minuttir móti kekkum, verður klárur aftur, tá Holland í morgin spælir móti Danmark.
Tað sá annars ógvusligt út, tá Staam mátti seymast í skallanum, men skaðin hevur helst ikki verið so álvarsligur kortini.
Bót til turkar
Turkiska fótbóltssambandið hevur fingið eina bót áljóðandi £ 4.000, orskað av atburðinum hjá áskoðarunum.
Tá dómarin í 70. minutti bríkslaði fyri brotssparki til Italia, í dystinum moti Turkalandi, kasatðu áskoðararnir millum annað fløskur inn á vøllin, og hetta vil UEFA undir ongum umstøðum góðtaka.
Broytingar hjá svium
Svenska venjaraparið hevur boðað frá broytingum á liðnum til dystin móti Turkalandi í dag.
Broytingarnar, sum tó meira eru orsakaðar av neyð heldur enn ónøgd, raka meint í verjupartinum, har sviar mugu verða tveir royndar leikarar fyri uttan. Patrik Andersson fekk reyða kortið móti Belgia, meðan Roland Nilsson fekk heilaskjálvta eftir samanbrest í sama dysti.
Tveir toppskjúttar
Málríkasti dysturin í endaspælinum higartil, 3-3 dysturin millum Jugoslavia og Slovenia týskvøldið, viðførd eisini, at talan nú er um tveir toppskjúttar í EM endaspælinum.
Slovenski Zahovic og Jugoslaviski Milosevic, hava báðir skotið tvey mál hvør, og tað hevur eingin annar megnað.
Sostatt er líkt til, at jugoslaviski Milosevic hevur tikið seg fram, síðani hann fyri tveimum árum síðani spældi í Aston Villa. Tá varð hann eyknevndur »miss-a-lot-sevic«.
Kluivert fremstur
Hóast hann enn ikki hevur skotið mál í endaspælinum, er hollendski Patrick Kluivert framvegis fremsti favoritturin at gerast toppskjútti.
Ensku veddingarfyritøkurnar rinda peningin 7,5 ferðir aftur, um Kluivert verður toppskjútti. Raul og Henry geva peningin átta ferðir aftur, um spælt verður á teir.ru upplýsingar, sum eru komnir fram, eftir at tilboðini vórðu latin upp, og eftir at Landsverkfrøðingurin hevði gjørt sítt tilmæli, ið hava sannført okkum um, at J&K Petersen hevur tað besta tilboðið samanumtikið, sigur hann.
Hann vísir eisini skuldsetingini frá Meistarafelagnum frá sær, um, at við síni framferð hevur leiðslan í P/F Vágatunlinum hevur skatt umdømið hjá Byggitek.
Eitt nú verður hugsað um útalilsið um, at J&K Petersen er sterkari fíggjarliga.
? Vit hava ikki uppá nakran máta úttalað okkum negativt um nakra fyritøku.
? Júst tað, hava vit verið sera varin við. Tí hava vit brúkt orðið heildarmeting, uttan at fara í smálutir um, akkurát, hvørji viðurskifti gera seg galdandi.
? Og roknskapirir hjá feløgunum eru almennir, so teir kann ein og hvør lesa og gera sær sínar metingar av.
? Men at onnur tulkað tað negativt, kunnu vit onki gera við.
Ikki góðkent áðrenn
Men varð Byggitek ikki mett og vigað frammanundan, so at tað var ?góðkent? áðrenn tað varð boðið upp í lisitatiónina?
? Tað er tað fyri so vítt ikki. Vit fingu eitt tilmæli frá Landsverkfrøðinginum um, hvørji feløg skuldi sleppa at bjóða upp á vegirnar og tí tilmælinum fylgdu vit.
? Og tá ið tilboðini verða latin upp, vísir tað seg, at serliga tvey tilboð eru áhugaverd at koma upp á tal at gera arbeiðið.
? Talan var um tilboðið frá Byggitek og tað frá J&K Petersen.
? Tí bóðu vit tey bæði feløgini um ymsar upplýsingar og teir fingu vit.
Klæmint Weihe sigur, at tað, hann kennir til, er tað ikki óvanlig mannagongd,at kanna feløgini við teimum áhugaverdu tilboðunum nærri, tí tann, sum skal hava arbeiðið, skal veita ymsar trygdir.
? Hetta er eitt arbeiðið, sum ofta ikki verður gjørt áðrenn arbeiðini verða boðin út, tí í hesum sambandinum er tað kanska neyðugt at kanna smálutir hjá øllum feløgunum, sum bjóða, og tað er óneyðugt.
? Vit hava bara tørv á at kenna umstøðurnar hjá teimum feløgum, sum hava tey áhugaverdu tilboðini.
Nevndarformaðurin sigur, at umframt tey fíggjarligu viðurskiftini, hevur tað eisini havt stóra ávirkan á avgerðina, at Byggitek hevði valt sær E. Pihl & Søn til samstarvsfelaga, sum skuldi hava ein rættiliga týðandi leiklut í arbeiðnum.
? Vit hava alla tíðina havt tað fatan, at politiskt var tað ynskiligt at brúka so nógva føroyska arbeiðsmegi sum gjørligt.
?Hesa fatanina fingu vit bæði á stovnandi aðalfundinum hjá P/F Vágatunlinum, umframt á fundinum við løgtingslimir og á fundinum við løgtingsins vinnunevnd.
? Tí gjørdu vit av at býta byggiætlanina sundur í tvey, so at sjálvur tunnilin var í einari útbjóðing og vegirnir í einari. Og vegirnir bjóðaðu vit bara út til føroyskar arbeiðstakarar, har sluppu útlendingar ikki upp í part.
? Og tað stríðir ímóti hesum málsetninginum, at Byggitek ætlar at hava Pihl & Søn til undirarbeiðstakara, sum skal gera ein munandi part av arbeiðnum.
Klæmint Weihe sigur, at tað er ein orsøk til, at J&K Petersen liggur best fyri at fáa arbeiðið.
Hann leggur afturat, at í hesum sambandinum verður E. Pihl & Søn í Føroyum ikki mettur at verða ein føroyskur arbeiðstakari, hóast felagið er skrásett her.
?Tí vórðu teir ikki bodnir uppí lisitatiónina-tað var við vilja, leggur nevndarformaðurin afturat.
Breyt tagnarskylduna
Kæmint Weihe dylir heldur ikki fyri, at hann er rættiliga ónøgdir við leiklutin hjá Landsverkfrøðinginum í hesum málinum.
?Landsverkfrøðingurin og Vágatunnilin hava gjørt eina skrivliga avtalu um vegagerðina. ? Eftir hesi avtaluni skuldi Landsverkfrøðingurin umboða okkum í sambandi við vegagerðina. ? Hetta er ein avtala, sum varð gjørd, áðrenn løgtingslógin um tunnilin varð samtykt og hon hevur púra onki at gera við tað eftirlit, sum Landsverkfrøðingurin skal hava av sjálvum tunnilsarbeiðnum.
? Í avtaluni, sum báðir partar hava skrivað undir, stendur eisini, at partarnir hava tagnarskyldu.
? Men tíverri má eg ásanna, at Landsverkfrøðingurin hevur brotið hesa tagnarskylduna, tá ið hann úttalar seg um málið í Sosialinum í seinastuni. Og tað er ómetaliga harmiligt, heldur Klæmint Weihe.
? Men tað er henda saman tagnarskyldan, sum forðar okkum í at fara í smálutir við teimum viðurskiftum, sum tilsamans gjørdu, at vit valdu tilboðið hjá J&K Petersen framum.
? Í hesi avtaluni stendur eisini, at Landsverkfrøðingurin skal í øllum førum seta seg væl og virðiliga inn í tilfarið, so at allir upplýsingarnir koma fram í tí tilmælinum, teir góvu okkum.
?Men tá ið Landsverkfrøðingiurin mælir til, at lata Byggitek, var tað neyðugt hjá okkum at útvega okkum fleiri upplýsingar fyri at kunna taka støðu til tilmælið.
? Landsverkfrðingurin hevði nevniliga ikki útvega teir neyðugu upplýsingarnar. Sostatt mugu vit staðfesta, at ráðgevingin frá teimum var ikki nøktandi.
?Tí gjørdu vit av at fara bæði til byggifelagið við lægsta og næstlægsta tilboðnum fyri at útvega okkum teir upplýsingarnar, sum ráðgevarin skuldi havt útvegað okkum.
Klæmint Weihe vísir eisini aftur pástandinum frá Byggitek um, at eisini Landsbyggifelagið hevur verið ein ráðgevari, sum hevur mælt til, at teir skuldu fáa arbeiðið.
? Tað er ikki rætt, Landsbyggifelagið er ikki við í hesum. Tað er Landsverkfrøðingurin, sum hevur gjørt tilmælið.
Onki politiskt trýst
Hann sigur, at síðani byrjað varð uppá hesa verkætlanina, hevur vágatunnilin ongantíð havt samband við politiska valdið og hevur ongantíð merkt nakra politiska uppílegging.
? Og vit hava heldur ongi politisk harraboð fingið, nú tað er blivið politiskt rumbul burturúr hesi útbjóðingini, sigur Klæmint Veihe.
Hann sigur tó, at teir hava fingið boð um at tosa við Byggitek, men tann fundurin kann í fyrsta lagi ikki vera fyrrenn í næstu viku, tí hesa vikuna er stjórin fyri P/F Vágatunnilin burturstaddur.
Ætlandi skuldi fundurin við Byggitek longu havt verið fríggjadagin, men hann var av ongum, tí Meistarafelagið noktaði limum sínum at samráðast við okkum, sigur Klæmint Weihe.
Heldur tú, at tann fundurin fer at broyta nakað?
?Tað vita vit ikki. Tað kann vera, at upplýsingar koma fram, sum vit ikki hava havt áðrenn og sum gera, at fortreytirnar broytast.
