Norðurlendsk uppgerð var í kvøld í Hamburg í EM-millumbólki 2 millum Noreg og Svøríki.
Svøríki hevði longu tryggjað sær annað plássið í bólkinum, og Noreg endaði nummar fimm í bólkinum óannsæð úrslitið.
Men Noreg spældi ein flottan dyst og vann stórsigur 33-23. Í steðginum var Noreg á odda 15-12.
Gamli liðfelagin hjá Tróndi Mikkelsen, Jónasi G. Djurhuus og Helga H. Hoydal í Viking Stavanger á sinni, Alexandre Blonz gjørdist uppiborið dagsins maður. Alexandre Blonz var stórskjútti við 11 málum í kvøld.
Svøríki skal komandi fríggjadag spæla hálvfinalu móti krútsterka liðnum hjá Fraklandi í Köln. Danmark skal væntandi spæla hálvfinalu móti Týsklandi, men snáva týskarar móti Kroatia skal Danmark spæla hálvfinalu móti Eysturríki.
Noreg - Svøríki 33-23 (15-12)
Noreg : Alexandre Blonz 11, Kristian Bjørnsen 5, Tobias Grøndahl 5, Simen Lyse 4, Magnus Gullerud 3, Harald Reinkind 3, Petter Øverby 1, Erik Toft 1.
Svøríki : Lukas Sandell 4, Andreas Nilsson 3, Max Darj 3, Hampus Wanne 2, Daniel Pettersson 2, Karl Wallinius 2, Eric Johansson 1, Sebastian Karlsson 1, Felix Claar 1, Lucas Pellas 1, Jim Gottfridsson 1, Jonathan Edvardsson 1, Oscar Bergendahl 1.
Fyrr í dag tapti Danmark 25-28 (14-17) fyri Slovenia, og Portugal og Niðurlond leiktu javnleik 33-33.
Støðan:
| Nr. | Lið | Dystir | V | J | T | Málmunur | Stig | |
| 1 | Danmark | 5 | 4 | 0 | 1 | 158:132 | 8 | |
| 2 | Svøríki | 5 | 3 | 0 | 2 | 147:144 | 6 | |
| 3 | Slovenia | 5 | 3 | 0 | 2 | 145:147 | 6 | |
| 4 | Portugal | 5 | 2 | 1 | 2 | 163:172 | 5 | |
| 5 | Noreg | 5 | 2 | 0 | 3 | 150:149 | 4 | |
| 6 | Niðurlond | 5 | 0 | 1 | 4 | 154:173 | 1 |
