Nations League Play Off: Ísland møtir Ísrael og Finnland møtir Wales

UEFA hevur drigið til Play Off dystirnar í Nations League.

Ísland kemur at møta Ísrael í Deild B, og Finnland kemur at møta Wales í bólki A.

Finnland og Ísland koma at spæla sínar dystir á útivølli 21. mars komandi ár. Er spenta støðan í Ísrael og Gaza ikki linkað verður dysturin millum Ísrael og Ísland á uttanveltaðum vølli.

Skráin fyri hálvfinalurnar sær soleiðis út:

Deild A:

Wales - Finn­land

Pól­and - Est­land

Deild B: 

Ísra­el - Ísland

Bosn­ia Hersogovina - Ukraina

Deild C: 

Georgia - Luksemborg

Grikka­land - Kasakst­an

Finalurnar í teimum trimum deildunum vera leiktar 26. mars. Teir tríggir finaluvinnararnir vinna seg til EM-endaspælið í Týsklandi. 

Áhugavert er, at høvdu Føroyar vunnið á Luksemborg á Tórsvølli í undanfarnu Nations League kapping vóru tað okkara menn, ið spældu hálvfinalu móti Georgia um rættin at spæla móti vinnaranum av dystinum millum Grikkaland og Kasakstan í Deild C. So tey sum siga, at Nations League: "Eru bara venjingardystir" mugu staðfesta nú, at soleiðis er tað ikki.