EM: Føroyar hava næstyngsta hópin - og tann yngsta leikaran

Tey flestu høvdu helst roknað við, at føroyska liðið er yngsta liðið í EM-kappingini í Týsklandi. Men so er ikki. Georgia hevur nevnliga eitt sera ungt lið. Meðalaldurin á georgiska liðnum er 24,4 ár, meðan miðalaldurin á føroyska liðnum er 24,5 ár. Danmark hevur elsta EM-hópin, sum hevur ein miðalaldur á 29,6 ár.

Bert tveir spælarar á føroyska liðnum eru omanfyri 30 ár. Teir eru Peter Krogh og Nicholas Satchwell. Georgia hevur ongan spælara omanfyri 30 ár á liðnum, men øll hini hava fleri enn tveir og í Serbiska hópinum eru heili níggju spælarar, ið eru omanfyri 30 ár.

Samanlagt eru bert 21 spælarar í kappingini, sum eru 20 ár ella yngri. Tríggir av hesum eru í føroyska hópinum: Óli Mittún, Rói Ellefsen á Skipagøtu og Ísak Vedelsbøl.

Elsti leikarin í kappingini er hálvi tvøramaðurin, Hans Óttar Lindberg úr Danmark, sum er 42 ár. Yngsti leikarin á danska liðnum er 23 ár. Tveir 18 ára gamlir leikarar eru við í EM-kappingini. Teir eru Óli Mittún úr Føroyum og Francisco Costa úr Portugal. Francisco er føddur 16. februar í 2005 og Óli er føddur 10. juni í 2005, so Óli Mittún er væl og virðiliga yngsti leikarin í kappingini.

Okkara mótstøðulið í innleiðandi bólki D, serliga Noreg og Slovenia, hava ein væl hægri miðalaldur enn Føroyar.