Lutakastið til EM 2024 undankappingina hevur verið í Týsklandi í dag. Føroyar komu í bólk E saman við Póllandi, Kekkia, Albania og Moldova. Tað er ymiskt hvat hvør ynskir í einum slíkum lutakasti. Við útgangsstøði í dreymabólkinum hjá Viljormi Davidsen, so fekk føroyska landsliðið einki av sínum ynskjum uppfylt.
Tað koma hvørki heimsstjørnur ella grannar á vitjan, og vit komu í ein bólk við fimm londum, sum merkir at vit ikki koma at møta mótstøðu úr veikasta styrkisbólkinum. Einasta heimsstjørnan í bólkinum er Robert Lewandowski hjá Póllandi.
Tað er stutta av tí langa er nokk, at hetta var eitt tað ringast hugsandi lutakastið á fleiri økjum. Einki av hasum londunum er millum tey, ið javnan verða nevnd sum ynski mótstøða. Póllandi og Kekkia komu úr sterkastu styrkibólkinum. Har var ein møguleiki millum annað at fáa bæði Ongland og Italia, ella Frakland og Holland, ið øll hava fleiri spennandi heimsstjørnur.
Ein annar møguleiki var at raka Danmark eina ferð afturat. Har komu seks lið í bólkin og millum teirra vóru eisini Finnland og San Marino.
Her er lutakastið:
Bólkur A: Spania, Skotland, Noreg, Georgia, Kýpros
Bólkur B: Holland, Frakland, Írland, Grikkaland, Gibraltar
Bólkur C: Italia, Ongland, Ukraina, Norðurmakedónia, Malta
Bólkur D: Kroatia, Wales, Armenia, Turkaland, Litava
Bólkur E: Pólland, Kekkia, Albania, Føroyar, Moldova
Bólkur F: Belgia, Eysturríki, Svøríki, Aserbadjan, Estland
Bólkur G: Ungarn, Serbia, Montenegro, Bulgaria, Luksemborg, Litava
Bólkur H: Danmark, Finnland, Slovenia, Kasakstan, Norðurírland, San Marino
Bólkur I: Sveis, Ísrael, Rumenia, Kosovo, Hvítarussland, Andorra
Bólkur J: Portugal, Bosnia-Hersigovina, Ísland, Luksemborg, Slovakia, Liktinstein
Styrkisbólkur 1
Holland, Kroatia, Spania, Italia, Danmark, Portugal, Belgia, Ungarn, Sveis og Pólland
Styrkisbólkur 2
Frakland, Eysturríki, Kekkia, Ongland, Wales, Ísrael, Bosnia-Hersigovina, Serbia, Skotland og Finnland
Styrkisbólkur 3
Ukraina, Ísland, Noreg, Slovenia, Írland, Albania, Montenegro, Rumenia, Svøríki og Armenia
Styrkisbólkur 4
Georgia, Grikkaland, Turkaland, Kasakstan, Luksemborg, Aserbadjan, Kosovo, Bulgaria, Føroyar og Norðurmakedónia
Styrkisbólkur 5
Slovakia, Norðurírland, Kýpros, Hvítarussland, Litava, Gibraltar, Estland, Lettland, Moldova og Malta
Styrkisbólkur 6
Andorra, San Marino og Liktinstein
Dystaryvirlit / EURO 2024:
Dystur 1: 23. – 25. mars 2023
Dystur 2: 26. – 28. mars 2023
Dystur 3: 16. – 17. juni 2023
Dystur 4: 19. – 20. juni 2023
Dystur 5: 7. – 9. september 2023
Dystur 6: 10. – 12. september 2023
Dystur 7: 12. – 14. oktober 2023
Dystur 8: 15. – 17. oktober 2023
Dystur 9: 16. – 18. november 2023
Dystur 10: 19. – 21. november 2023
EM-endaspælið verður í Týsklandi frá 14. juni til 14. juli 2024.
