85 ára gamal Ruth Gingsburg hevur boðað frá, at hon ikki fær møtt á rættarfundi í Hægstarætti í USA, tí hon skal undir skurð fyri krabba.
Elsti hægstarættardómari í USA, 85 ára gamla Ruth Bader Ginsburg, møtir fyri fyrstu ferð ikki upp á fundi í Hægstarætti.
Hon varð vald í Hægstarætt í 1993 av Bill Clinton. Síðani hevur hon – hóast sjúkralegu – møtt á øllum fundum í valdsmikla Hægstarætti.
Hon er við at koma fyri seg aftur eftir at vera skorðin fyri lungnakrabba 21. desember í fjør. Tveir krabbasvullir vórðu tiknir úr vinstra lunga.
Hon arbeiðir í dag heimanífrá, upplýsir Kathy Arberg, sum er talskvinna fyri Hægstarætt.
Ginsburg er ein av fýra dómaruin í Hægstarætti, sum verður mett sum liberal. Hini fimm í Hægstarætti, sum hevur tilsamans níggju dómarar, verða mettir sum konservativir.
Millum teirra er 53 ára gamli Brett Kavanaugh, sum Donald Trump útnevndi, og sum í oktober tók við sum limur í Hægstarætti.
Tey fylgja væl við heilsustøðni hjá Ginburg í USA. Um hon skuldi blivið so veik, at hon má leggja f´ra sær, fer tað at merkja, at Donald Trump skal tilnevnda enn ein dómara til valdsmikla starvið.
Umframt Kavanaugh hevur Trump valt 51 ára gamla Neil Gorsuch í Hægstarætt. hannv erður eisini mettur sum ein konservativur dómari.
/ritzau/AP
