Í 1970 giftist Elsa Maria við Torleif Sigurðsson, fyrrverandi formaður í FSF og reiðari í Klaksvík og tey búgva við Stangaskákið í Klaksvík. Elsa Maria og Torleif fingu fýra børn: Steindor í 1969, sum lat lív í ferðsluvanlukku í 1990. Sofía fødd í 1971, sum er gift við Jóhannes. Tey eiga trý børn, Jákup, Elsa Maria og Torleif. Margretha í 1972, sum er gift við Eyðstein. Tey eiga tvey børn, Steintóra og Rói. Og Erna í 1978, sum livir saman við Magna. Tey eiga somuleiðis tvey børn, Bjørt og eina lítla diddu, sum ikki hevur fingið navn enn.
Elsa Maria gekk heima í mong ár og passaði heim og børn. Meðan hon gekk heima, vaskaði hon handilshølini hjá Føroya Keypssamtøku í Nólsoyar Pálsgøtu, og tað ger hon framvegis. Eitt starv, sum hon hevur røkt í yvir tríati ár. Hon arbeiðir eisini hálva tíð á Norðoya Heimavirki á Biskopstø í Klaksvík.
Elsa Maria er burturstødd á føðingardegnum, men vit vilja ynskja henni hjartaliga til lukku við stóra degnum og takka fyri alla hjálp og alt tað, hon gevur.
Heilsan børnini, svigerbørn og ommubørn
