Tað sigur Elsa Berg, nýggi borgarstjórin í Tórshavnar býráð, tá vit spyrja hana, hvat hon ætlar at gera við kirkjuna á Argjum, sum nógv ósemja hevur verið um, og sum hon og fleiri onnur í Tjóðveldi eru og hava verið ímóti skal byggjast á økinum oman fyri Spinnaríið við Sandá á Argjum.
– Argja kirkja er eitt øgiliga trupult mál. Tað skal eg ikki fara uttanum. Tað er komið øgiliga langt í hesi tilgongdini, og tað sum eg havi sett mær fyri, og tað sum eg havi boðað samgongulimum frá er, at eg ætli mær í dialog við kirkjuráiðð og við áhugabólkin til varðveitslu av fríøkinum við Sandá, segði Elsa Berg, tá vit á tíðindafundi í dag spurd um málið.
Hon sigur, at tað er hetta, sum hon hevur sett sær fyri.
– Og tað er tað, sum eg fari at hava fokus á. Men tað sum er nógv týdningarmiklari er, at vit finna ein leist fyri, hvussu vit vit útføra byggiverkætlanir framyvir, tí hvussu taka vit neyðugu náttúrufyrilitini framyvir, tá kommunan fer at vaksa og vit framhaldandi skulu varðveita og verja um okkara náttúru bæði fyri náttúrunnar skyld og ikki minst fyri okkara egna trivnað bæði fyri sálarheilsu og kropsligari heilsu. Tað er nakað, sum vit skulu finna út av og seta í gongd, sigur hon.
– Men tá tú sigur, at tú skalt í dialog við kirkjuráðið og áhugabólkin, er tað so um at flyta kirkjuna?
– Ja, dialogurin verður um støðuna og um hvar man liggur og at venda tingunum enn einaferð, sigur borgarstjórin.
– Men sjálvandi er tað ein opin dialogur frá mínari síðu at hoyra allar partar og at venda málinum, sigur Elsa Berg.
Málið um at byggja nýggja kirkju á Argjum er gamal, og tað byrjaði í 2006 og hevur verið fyri á 55 ymsum fundum í býráðnum hesi árini.
Byggiloyvið til kirkjuna á Argjum varð samtykt í Tórshavnar býráð 29. februar í ár:
Fyri byggilloyvi atkøvddu:
Annfinn Brekkstein úr Sambandsflokkinum
Heðin Mortensen úr Janaðarflokkinum
Tróndur Sigurðsson úr Janaðarflokkinum
Kári Johansen úr Janaðarflokkinum
Bjørg Dam úr Janaðarflokkinum
Birita Baldvinsdóttir úr Janaðarflokkinum
Birgir Nielsen úr Fólkaflokkinum
Jákup Dam úr Tjóðveldi
Ímóti artkøvddu:
Turið Horn úr Tjóðveldi
Annika Olsen úr Tjóðveldi
Jón Kragesteen úr Tjóðveldi
Súsanna Olsen úr Framsókn
Kristianna Winther Poulsen úr Javnaðarflokkinum
