Dýrasta innflutningsvøran hjá Føroyum tey mongu seinastu árini, er olja og bensin. Í 2014 innfluttu vit olju og oljuúrdráttir fyri eina miljard. Tað var ein fimtingur av samlaða innflutninginum.
Hetta er ein av orsøkunum til, at føroyskir myndugleikar arbeiða við at umleggja orkuveitingina í Føroyum, so hon kann koma meiri frá el enn frá olju.
Ein arbeiðsbólku undir Vinnumálaráðnum mælir til, at føroyska samfelagið sum heild fer yvir til at nýta meiri el-orku. Upphiting av húsum og bústøðum eigur at verða umløgd til el og síðani skal ferðslan eisini umleggjast til el.
Fyri at nøkta økta eftirspurningin á skynsaman hátt verður samstundis neyðugt at tryggja sær, at ein størri partur av elorkuni kemur fra varandi orkukeldum og ikki innfluttari olju.
Tí er neyðugt at menna vind- og vatnorkuverkini enn meiri enn higartil er gjørt og til tess krevjast stórar íløgur. Í eitt 10 ára skeið fara íløgur at verða gjørdar innan elorku fyri umleið tríggjar miljardir krónur.
Les meiri í mikudagssosialinum.
