Elias Ellefsen á Skipagøtu og liðfelagarnir í THW Kiel hava í kvøld vunnu ein flottan 34-28 sigur á PSG á útivølli EHF Champions League.
Í steðginum var PSG á odda 14-13.
Elias gjørdist saman við Harald Reinkind toppskjútti hjá Kiel. Elias og Reinkind skutu sjey mál hvør.
Elias legði eisini hegnisliga upp til fleiri mál hjá Kiel.
Kiel er fremst í bólki A við 10 stigum fyri seks dystir. Nummar tvey er PSG við átta stigum. Teimum á baki koma Aalborg og Kielce við sjey stigum hvør.
16. november tekur Kiel móti Aalborg á heimavølli.
Kiel spælir komandi dystin í bundesliguni á útivølli móti Göppingen komandi sunnudag.
