Elias Ellefsen á Skipagøtu skoraði eitt mál uppá fýra málroyndir tá lið hansara, Sävehof vann 29-25 á Hammarby. Í steðginum hevði Sävehof eina greiða 17-10 leiðslu.
Tá sjey minuttir vóru eftir av dystinum var Sävehof á odda 29-22, men eftir tað fingu teir ikki fleiri mál.
Bertram Obling í málinum hjá Sävehof var stóra hetjan í kvøld. Hann hevði eitt bjargingarprosent uppá 48,6 prosent. Sebastian Karlsson var toppskjútti við fimm málum.
Sävehof er einasta ósigraða liðið í bestu svensku hondbóltsdeildini, og er oddalið við sjey stigum fyri fýra dystir.
5. oktober spælir Sävehof móti Hallby á útivølli.