Elias Ellefsen á Skipagøtu Ellefsen er týskur steypavinnari.
THW Kiel vann í týsku steypafinaluni í Lanxess Arena í Köln 28-23 á Melsungen. Í steðginum var Kiel á odda við bert einum máli, 10-9.
Elias skoraði trý mál upp á tríggjar málmøguleikar, og var sostatt effektivur í dag.
Hetta er trettanda ferðin, at Kiel vinnur týsku steypakappingina.
Elias hevur áður vunnið svensku steypakappingina og meistaraheitið við Sävehof.
Kiel fer nú eftir at røkka Final Four í European League, og enn er møguleikin at vinna bundesliguna.
In.fo ynskir Eliasi og liðfeløgum hansara hjartaliga tillukku við sigrinum.
Seinni í dag venda vit aftur við einum samandrátti frá týsku steypafinaluni.
