Elias er ársins ítróttarnavn

Elias Ellefsen á Skipagøtu vann tríggjar heiðrar í dag

Hetta gjørdist ein stórur dagur hjá føroyska landsliðsspælaranum í hondbólti, Eliasi Ellefsen á Skipagøtu.

 

Fyrr í dag vunnu hann og liðfelagarnir í Sävehof svensku steypakappingina, har Elias var valdur til besta spælara í dystinum.

 

Á Ítróttarfagnaðinum hjá ÍSF á Hotel Hilton í Havn í kvøld fekk Elias heiðurin at vera ársins ítróttarnavn. Av sonnum ein stórur dagur hjá unga hoyvíkinginum.

 

Hinir tilnevndu til ársins ítróttarnavn vóru paraatleturin, Hávard Vatnhamar og olympiski rógvarin, Sverri Sandberg Nielsen.