Í gjárkvøldið kom eldur í ein størri bil á Sandi, men tað var skjótt, at eldurin varð sløktur. Tíbetur hendi eingin mansskaði.
Vakthavandi á løgreglustøðini í Havn sigur, at talan var um ein bil, sum skuldi flytast undir eftirliti, tí trupulleikar høvdu verið við bilinum fyrr um dagin.
Bilurin stóð parkeraður nakað innan fyri Meginskúlan á Sandi.
Løgreglan heldur, at tað var ein lítil leki úr oljutanganum á bilinum, sum dryppaði niður á útstoytið, ið var orsøkin til, at eldur kom í.
Viðhefta mynd er ein savnsmynd.
