Tað er Eldraráðið í Tórshavnar kommunu, sum skipar fyri eldradegnum undir heitinum ”Virkin og vakin”. Tórsgøta verður stongd fyri allari ferðslu frá handlinum P/F Maria Poulsen og oman í Vágsbotn, har limir í áhugafelagnum Føroya Ellisakfør sýna fram bilar og motorsúkklur.
Eldradagurin byrjar kl. 10 um morgunin , tá Heðin Mortensen, borgarstjóri, setur dagin, og Mortan Rasmussen, formaður í eldraráðnum hevur orðið.
Annars verða onnur tiltøk og framførslur á Tjóðpalli Føroya, á Gamla Reinsaríi og í Perluni, umframt at matiné verður í Dómkirkjuni. Meira upplýsingar eru á heimasíðuni www.torshavn.fo
