Í døgunum 8. til 10. oktober verður skipað fyri evnisdøgum fyri eldri á Giljanesi. Tiltakið er partur í norðurlendskum samstarvi, har líknandi tiltøk verða hildin somu dagar. Í Føroyum er talan um eitt samstarv millum fólk úr Vága-, Sunda -og Porkeris kommunum, sum hittast til gamans og álvara hesar dagar.
Skráin fyri evnisdagarnar er fjølbroytt allar tríggjar dagarnar.
Tað verður Albert Ó. Ellefsen, borgarstjóri í Vága Kommunu, ið setur eldradagarnar. Kunnað verður eisini um OLE2 og kommunanna endamál við luttøku í verkætlanini.
Skráin kann lesast á www.vaga.fo.
