ímyndin av føroyingum og Føroyum.
Í annaðkvøld klokkan 19 fer Kim Simonsen, Ph. D. at halda fyrilestur á Sands bókasavni um, hvussu føroyska tjóðin kyknaði og um, hvussu vit fingu okkara føroyska samleika.
Í fyrilestrinum pilkar Kim Simonsen við tað, vit halda okkum vita um okkara føroyska arv og eyðkenni.
Til dømis sigur hann, at útlendingar, sum ferðaðust her fyri 100-200 árum síðani og skrivaðu frásagnir um »eksotiska« fólkaslagið, sum her búði, høvdu stóra ávirkan á, hvussu føroyingar sóu seg sjálvar. Ja, spurningurin er, um ikki føroyingar fóru at dyrka tað, sum útlendingar hildu vera áhugavert við okkum!
Í fyrilestrinum verður eisini greitt frá um ferðandi, sum komu í Sandoynna. Her er dømi úr einari ferðafrásøgn:
»Her på Sandur kunne man gerne tro sig hensat på en dansk mark, så jævnt frodigt her er; smukke, tætte bygagre med bølgende aks, duftende kløvermarker, yndigt brogede af mange slags småblomster, og stundom lærkens jublende triller I den klare luft; alt dette udbreder en mildhed og blidhed over landskabet, som man ikke venter så højt oppe I det kolde nord. Og mellem de blomstrende marker ligger den store, smukke bygd med de tjærede træhuse med grønblomstrende tage, bagved og til begge sider hæver fjeldene sig tavse og almægtige, og ud ad bugten har man den herligste udsigt til Skúvoy.«
Peter Alberg Holm, 1856
Fyrilesturin verður á Sands bókasavni sunnukvøldið 24. februar klokkan 19.
