Kykmyndalagið True Love, ið Heiðrik á Heygum hevur gjørt til lagið hjá Eivør Pálsdóttir er tilnevnt í 7. umfarið av Berlin Music Video Awards 2014, skrivar Music.fo.
Berlin Music Video Awards er ein heiðurslønarfestivalur, ið leggur seg eftir at heiðra listini innan kykmyndaløg, øll kunnu senda kykmyndaløg inn, og tey bestu vera so tilnevnd. Hesaferð áttu Heiðrik og Eivør eitt av løgunum.
