Í samband við nýggju útgávuna ferð Eivør á konsertferð í vár. Fyrstu konsertirnar eru settar á skrá, í februar, mars og apríl.
Nýggja útgávan, ið ber heitið "Bridges," er á gáttini og í vár verður so útgávukonsertferð. Fyribils eru konsertir ætlaðar í Íslandi, Týsklandi og Eysturríki.
Konsertferðing byrjar um ein mánað, 25. februar, í Reykjavík. Her verða tvær konsertir hildnar, í Hørpuni, saman við íslendska symfoniorkestrinum.
Síðani gongur leiðin til Flensburg í Týsklandi hin 6. mars. Ikki færri enn 15 konsertir standa á skránni í Týsklandi, tann seinasta verður 22. mars í München. Longu dagin eftir stendur Eivør aftur á palli, hesaferð í Graz, sum er tann fyrsta av fýra konsertum í Eysturríki.
Hesaferð tekur Eivør ein annan føroyskan sangara við sær, at spæla undan sær á konsertunum. Talan er um sangara/sangskrivaran Marius, sum Eivør sigur, at áhoyrararnir bara mugu hoyra.
Aðrar konsertir verða lýstar seinni.
