Tað hevur tíbetur verið langt ímillum, at skip eru endað á Flesjunum á Tangafirði, men í morgun stendur frystilínuskipið Eivind á Flesjunum.
Hjá MRCC vátta tey, at skipið hevur siglt seg fast, men tá vit høvdu vaktleiðaran í telefonini fyri løtu síðan, vóru ikki stundir til nærri kunning um hendingina.
- Eg kann vátta, at tað er frystilínuskipið Eivind, sum hevur siglt á Flesjarnar. Meira fái eg ikki sagt í løtuni, verður sagt hjá MRCC.
Vaktleiðarin á løgreglustøðini í Havn sigur, at tey hava frætt um hendingina, men tey vísa til MRCC, tá talan er um slíkar hendingar á sjónum.
- Vit gerast bara partur av hesum, um hildið verður, at brúk er fyri okkum, sigur vaktleiðarin, sum vísir á, at tey í løtuni einki ítøkiligt vita um málið.
##med2##
