Eitt av heilt nýggju skipunum í flotanum hjá reiðarínum Thor í Hósvík - Thor Magni - valdi herfyri at koma til Føroya at gera eina umvæling.
Skipasmiðjan Mest veit at siga, at Thor Magni kom úr Esbjerg og inn í dokkina á Skála hósdagin 13. oktober.
- Umvælingin varð gjørd, og skipið sigldi aftur dagin eftir, fríggjadagin 14 oktober. Ein leki var á pakkdósini á tí eina akslinum.
Saman við einum serfrøðingi úr Hálandi fekk Mest loyst uppgávuna, so skipið kom í vinnu aftur eftir einum samdøgri.
