Nýggjastu broytingarnar í partafelagsskránni eru kunngjørdar í dag og har sæst millum annað, at vit hava fingið eitt nýtt reiðarí í Føroyum.
Talan er um sp/f Unicorn, sum eitt svenskt partafelag hevur stovnað, Rederiaktiebolaget Oman Matrosvägen. Stjóri í felagnum er Anders Konrad Mattsson, ein svii, sum eisini er nevndarformaður í felagnum. Hin nevndarlimurin er Joan Torleivsdóttir úr Havn.
Trý nýggj partafeløg eru stovnaði. Tey eru Sp/f HMH Montering hjá Hans Michael Hansen, ið skal fáast við undirhald, keyp og sølu, timburarbeiði og montering. Sp/f La Fiesta hjá Talel Delakhal í Klaksvík, sum skal reka virksemi við handli og so Sp/f Innistovugarður hjá Leif á Bøgarði í Kaldbak, sum skal reka vinnuligan landbúnað.
