Víkingur og B68 spæla landskappingardyst í góðveðrinum í Sarpugerði í kvøld. Fyrsta bríkslið var klokkan 18, og fimm minuttir undan steðginum er støðan 1-1.
Miðskeiðis í 1. hálvleiki skoraði ungarski álopsspælarin Zoltán Bukzegi fyrsta málið yvirhøvur fyri Víking. Hann fangaði bóltin miðskeiðis á B68 hálvuni, setti ferð á og sendi bóltin framvið málverjanum.
Fimm minuttir fyri hálvleik javnaði B68. Ein av teimum reyðu varð feldur í brotsteiginum, og miðvallarin Jann Ingi Petersen sendi málverjan í annað borðið, og so legði hann bóltin í hitt borðið.
