Tað hevur verið stak friðarligt hjá løgregluni seinasta samdøgrið, og her hevur einki verið at sett fingurin á.
- Ein yvirkoyrdur seyður er alt, sum er skrásett av týdningi, sigur vaktleiðarin á løgreglustøðini í morgun.
Sunnumorgunin visti vaktleiðarin at siga, at tveir mans eru skuldsettir fyri harðskap um vikuskiftið, og í báðum málunum hevur løgreglan gjørt avhoyringar.
Um vikuskiftið fingu tveir mans eisini bót fyri at bróta skilhaldsreglurnar, sum áður hevur verið kallað politiviðtøkurnar.
Annar maðurin fekk 1.500 krónur í bót – og hin 3000 krónur, tí hesin seinni var sambært løgregluni so harðligur í sínari framferð.
