Eitt brak av einum dysti

Hvørki Mjølnir ella Dráttur vildi geva seg, so tí gjørdist talan um tveir javnbrótarar og eitt tætt sett, áðrenn Mjølnir at enda hevði vunnið dystin, ið var spennandi frá byrjan til enda

Hilmar Jan Hansen

15.02.2010 (12:20)

<style type="text/css">  </style>   <p class="MsoNormal">Undan dystinum vóru øll greið yvir, at nógv stóð upp á spæl, tá Mjølnir í gjár tók ímóti Drátti í Badmintonhøllini í Klaksvík. Og tað sást eisini aftur á vøllinum, har bæði liðini góvu seg fult út í royndunum at vinna, tí taparin kundi næstan við vissu avskrivast í kappingini um at koma í FM-finalurnarnar.</p> <p class="MsoNormal">Mjølnir, ið til fyri kortum sat á næstfremsta plássinum á stigatalvuni, vann hesa avgerandi uppgerðina, men hóast endaliga úrslitið segði 3-0, so var talan um ein dyst, ið helst var javnari og meira spennandi enn nógvir fimmsettarar kunnu vera tað.</p> <p class="MsoNormal">Tvey tey fyrstu settini leikaði sera javnt á, og í báðum førum var neyðugt við javnbrótara, áðrenn Mjølnir hevði tikið settini. Og heldur ikki í triðja setti vildi Dráttur geva seg, so har gjørdust bara trý stig á muni, tá samanum kom. Fyri Mjølnir merkti sigurin, at liðið framvegis er væl við í kappingini um at koma í FM-finalurnar, samstundis sum Dráttur í veruleikanum misti sín kjans.</p> <p class="MsoNormal"><o:p> </o:p> <p class="MsoNormal">Øgiliga javnt<o:p></o:p> <p class="MsoNormal">Tað var øgiliga javnt í fyrsta setti, har ongantíð meira enn tvey stig vóru á muni. Bæði lið vunnu síni álop, meðan blokkarnir kanska ikki fingu fatur í so nógvum. Men í avgerandi løtuni var tað ein av ungu spælarunum hjá Mjølnir, Poulina Øregaard, ið syrgdi fyri settinum. Tað stóð á jøvnum 26-26, tá hon kom inn at serva, og púra køld legði hon fyri við einum servuessi, og síðani vann Mjølnir næsta bóltin og settið.</p> <p class="MsoNormal">Í øðrum setti var tað Dráttur, ið hevði hug at byrja betur. Vágakvinnurnar vóru mitt í settinum á odda 12-16, og tað var ikki fyrr enn heilt ímóti endanum á settinum, at Mjølnir slapp framum. Enn eina ferð hevði Poulina ein leiklut í síðstu servunum, og aftur í hesum settinum mátti spælast upp um tey 25 stigini, áðrenn avgerðin var fallin.</p> <p class="MsoNormal">Mjølnir fekk betru byrjanina í triðja setti og kom framum við fimm stigum. Men Dráttur fylgdi tó væl við, so eisini her gjørdist talan um eitt rímiliga javnt sett, sum Mjølnir at enda vann við trimum settum.</p> <p class="MsoNormal">Samanumtikið átti Mjølnir munin í dystinum, tí liðið hevði fleiri streingir at spæla uppá og fekk varierað álopsspælið meira. Hevarin hjá Drátti, Maja Popovic, fekk ikki tað sama burturúr sum í fleiri av undanfarnu dystum, tí hon hevði størri spælarar ímóti sær hinu megin netið.</p> <p class="MsoNormal">Sigurin ger, at Mjølnir framvegis er væl við, meðan Dráttur við tapinum ikki longur ein veruligan møguleika at koma í FM-finalurnar.</p>

Eitt brak av einum dysti

Mest lisið

Her er nýggi stjórin á Skúlanum við Løgmannabreyt

Bilførari í Føroyum í 20 ár – hevði ongantíð býtt koyrikortið um

Syrgilig tíðindi á døgurða

Óbodnir gestir á Venjingarskúlanum

Ungur drongur roydi at drepa fimm ára gamla gentu

Trump skal á serliga amerikanska minnispening

Argentina vendi dystinum og er í HM-finaluni

Yvirlit: Hesi evropeisku lond loyva aktivum deyðahjálp

KÍ fer at halda ólavsøku í Litava

Wegovy í pillarin hjá Novo Nordisk góðkendur í ES