Team85 og ReproZ hava skift samleika. Samanlagda fyritøkan eitur nú Sendistovan Bæði Reproz og Team85 gjørdust fyri stuttum partur av Nema-samtakinum, og nú eru fyritøkurnar báðar lagdar saman í Sendistovan.
Í tíðindaskrivi verður sagt, at við hesum er talan um eina heildarfyritøku við førleikum innan marknaðarráðgeving, sniðgeving, samskifti, marknaðarføring, heimasíður v.m.
Fyritøkurnar húsast við Grønlandsvegin, har Snikkaravirkið áður var. Og í dag er so móttøka, nú ístandgjørdu hølini verða tikin í nýtslu.
