Eisini turt veður næstu dagarnar

Góðveðrið, sum vit hava havt seianstu viku sær tú til at halda sær í nakrar dagar afturat.

Í dag sigur Petur Skeel Jac­ob­sen, veðurmaður í Miðl­a­hús­i­num, at tað verð­ur turt og sólglottar, og at hit­in verður millum 8 og 11 stig.

Í morgin verður gul til stívt andøvsgul av eystri, seinna­partin minni vindur. Yv­ir­høvur turt og sólglottar og hit­in millum 5 og 8 stig.

Mikudagin verður lot til and­øvs­gul av landsynningi og eystri, turt og sólglottar. Og hitin verður millum 8 og 11 stig.

Um veðrið seinni í vikuni sigur Petur Skeel Jacobsen, at hósdagin og fríggjadagin kunnu vit vænta gul til stívt and­øvs­gul av landsynningi og yv­ir­høvur turt, men fríggj­a­dag­in møguliga regn. Hit­in millum 7 og 11 stig.

Sambært lang­tíð­ar­for­søgn­ini hjá norska yr.no, so verð­ur regn leygardagin, með­an sólin fer at skína sunnu­dag­in. Forsøgnin fyri næstu viku sær ikki eins vøkur út, tí tá fara vit aft­ur at síggja regn. Men hit­in heldur sær á umleið 6-7 stig­um.

 Trýst á pílin undir myndini fyri at hoyra veðurtíðindini hjá Peturi Skeel Jacobsen.