Tað sá út sum nakrir bátar hildu einum einsamallum hvali til við Breiðasand á Eiði seinnapartin, har ein sjónarvátti sigur hvalin hava svomið skjótt undan fýra bátum.
Sýslumaðurin kennir ikki til, at fleiri bátar eru farnir út eftir einum hvali. Tó hevur hann fingið eina fráboðan um, at ein grindahvalur hevur ligið við Breiðasand allan seinnapartin.
- Eg fekk fráboðað, at hann hevur ligið har og grindað allan seinnapartin. Sum eg skilti, ætlaði ein einstakur bátur út at kanna umstøðurnar hjá hvalinum nærri, og annað havi eg ikki frætt, sigur sýslumaðurin í Eysturoyni.
- Grind skal sjálvandi haldast til á góðkendari hvalvág og lógir skulu haldast í sambandi við grindina, men í løtuni veit eg ikki hvat gongur fyri seg, annað enn at talan er um ein einsamallan sjúkan grindahval, sigur hann.
