Klokkan eitt í nátt varð nýggjur sáttmáli undirskrivaður á Hotel Føroyum. Hann er galdandi í eitt ár - fram til 1. oktober 2011. Fakfelagssamstarvið øðrumegin og Fíggjarmálaráðið og Kommunala Arbeiðsgevarafelagið hinumegin hava í nátt undirskrivað nýggjan 1 ára sáttmála frá 1. oktober 2010 til 1. oktober 2011.
Sáttmálin inniheldur ein karm á 1 % frá 1. oktober 2010.
Harumframt fáa álitisfólk 3 mánaðar lagdar afturat uppsagnartíðini, sum hvør einstakur hevur innvunnið sær.
