Á heimasíðuni hjá Vestmanna kommunu hava borgarar havt høvi at spyrja kommununa um ymiskt undir teiginum "Spyr bara". Men, nú kommunuval stundar til, er hesin møguleiki burtur.
- Fram til bygdarráðsvalið verður teigurin Spyr bara á okkara heimasíðu óvirkin. Orsøkin er, at vit vilja ikki hava, at heimasíðan hjá kommununi kann gerast partur av valstríðnum.
So stutt og greitt grundgevur Vestmanna kommuna fyri, at "Spyr bara" nú verður óvirkið, til kommunuvalið er av.
