Føroyar var tað triðja navnið, sum varð tikið úr fyrsta bollanum, tá lutakastið var. Tað merkir, at Føroyar endaðu í bólki C.
Næsta landið í okkara bólki var Estland, og síðani endaðu Slovenia, Norðurírland, Serbia og at enda Italia í sama bólki.
Fyrsta staðfestingin eftir lutakastið má vera, at tað ikki var optimalt. Vit londum sum Estland, Slovenia og Serbia kunnu vit næstan rokna við minst einum stórtapi, tí royndirnar siga okkum, at vit hava tað ógvuliga trupult í móti londunum úr Eysturevropa.
Reint fíggjarliga smakkar hettar heldur ikki serliga væl, tí ferðir handa vegin eru langar og kostnaðarmiklar. Harumframt eru tað neyvan áðurnevndu lond, sum fara at fylla Tórsvøll ella Svangaskarð.
Tá sær betri út hjá Danmark, sum hevur grannatjóðirnar Ísland og Noreg í sínum bólki, umframt at liðið eisini skal eitt lítið legg til Portugal og Kypros.
Annars eru bólkarnir hesir:
A:
Aserbadjan
Kasakstan
Belgia
Eysturríki
Turkaland
Týskland.
B:
Andorra
Armenia
Makedonia
Írland
Slovakia
Russland
C:
Føroyar
Estland
Slovenia
Norðurírland
Serbia
Italia
D:
Luksemburg
Albania
Hvítarussland
Bosnia-Hersegovina
Rumenia
Frankaríki
E:
San Marino
Moldova
Ungarn
Finland
Svøríki
Holland
F:
Malta
Georgia
Letland
Ísrael
Grikkaland
Krotia
G:
Montenegro
Wales
Bulgaria
Sveits
England
H:
Ísland
Kypros
Noreg
Danmark
Portugal
I:
Liechtenstein
Litava
Skotland
Kekkia
Spania
