Øll partrolarapørini uttan tvey eru til fiskiskap, og skipini koma inn at landa, sum næsta vika gongur. Fiskiskapurin er fyri tað mesta smáligur, men okkurt parið hevur brúkiligan fiskiskap.
- Tvey partrolarapør eru farin vesturum at fiska tosk og kongafisk. Hinvegin liggja allir djúpvatnstrolararnir.
Um teir smáu trolbátarnar, vita tey á Fiskmarknaði Føroya í dag at siga, at tríggir fiska havtasku. Ein kemur inn at landa mánadagin, og hinir báðir koma inn at landa seinni í vikuni.
- Tvey garnaskip fiska svartkalva og eitt fiskar havtasku. Fiskiskapurin eftir svartkalva er brúkiligur, men veiðan eftir havtasku er lítil, verður lagt aftrat.
