Tað vóru eini 80 – 100 hvalir í grindini, sum var funnin tveir fjórðingar suður úr Presttanga tíðliga í morgun.
Grindin gekk í tveimum bólkum, men tað eydnaðist at reka hana inn á Sandavág, har hon varð hildin til fyri eini lítlari løtu síðani.
Finnbogi Midjord, sýslumaður, sigur, at nú verða hvalirnir sleipaðir inn á havnarlagið í Miðvági, har grindin verður merkt.
Tá ið grindin er merkt, verður støða tikin til, hvussu hon skal býtast, men seðlarnir koma út eina ferð seinnapartin, sigur sýslumaðurin.
