Elin Tausen og Jógvan Philbrow, ið ætlaðu sær at stovna ein uttanflokkalista, ið skuldi leggja dent á bleyt virði og rættin hjá øllum til eitt gott lív, hava nú slept hesi ætlan, hóast móttøkan frá fólki hevur verið positiv.
Tey siga í tíðindaskrivi í dag, at tey ikki stovna uttanflokkalistan til hetta valið, men tó ætla at vera virkin í kjakinum upp undir valið, tí tey hava nøkur hjartamál, sum tey framvegis vilja varpa ljós á.
Vónandi fer hetta løgtingsvalið ikki bert at snúgva seg um pengar og fisk, men eisini um rættin hjá øllum til eitt gott lív, siga Elin Tausen og Jógvan Philbrow.
