Manchester United styrkti í dag um oddastøðuna í Premier League. Við 1-0 sigrinum á Everton er meistaraliðið nú fimm stig framman fyri Chelsea og Liverpool, og sjálvsálitið man í øllum førum vera gott, nú liðið hevur spælt 11 dystir, uttan at mál er skotið ímóti teimum í landskappingini. Í alt eru 1104 minuttir síðani, at nakar skoraði móti Edwin van der Saar í Premier League, og tað er enskt met.
Málið hjá Manchester United í dag skeyt Cristiano Ronaldo í fyrra hálvleiki, og tykist spælarin, sum í 2008 vann teir heiðrar, sum vinnast kundu, at vera í ferð við at finna aftur til stórspælið, sum hann sýndi í fjør vár.
Úrslitini í dag
Stoke-Manchester City 1-0
Middlesbrough-Blackburn 0-0
Arsenal-West Ham 0-0
Bolton-Tottenham 3-2
Fulham-Portsmouth 3-1
Hull-WBA 2-2
Manchester Utd-Everton 1-0
