Næmingarnir í Hoydølum, sum skulu til endaliga próvtøku í ár, verða teir fyrstu, sum fáa prógvið sendandi heim við postinum.
Tað sigur Mikkjal Helmsdal, rektari, í eini hóttan til næmingarnar, har hann ger greitt, at tað verða eingi tiltøk fyriskipað seinasta skúladag, tað verður ikki skipað fyri prógvhandan, og skúlin fer ikki at taka lut í fyriskipanini av pisufundinum, um næmingarnir uppføra seg sos um teir plaga – og sum handilsskúlanæmingar gjørdu týsmorgunin.
Tað var eitt stórt upptak hjá vaskifólki og umsjónarfólki í Studentaskúlanum – og tað hevur kostað skúlanum í tíggjutúsundavís í umvælingum og upptaki, sigur rektarin, sum hartar sínar næmingar í Hoydølum fyri nøkrum árum síðani at verða byrjaðir upp á tápuliga atsókn móti Handilsskúlanum, sum aftur hevur fingið handilsskúlanæmingar at gera tað sama.
Tí ger hann púra greitt, at destruktivi atburðurin hjá næmingunum skal steðga nú – og at studentaskúlanæmingarnir, sum byrjaðu hetta, nú eiga at verða teir, sum steðga.
Mikkjal hevur fyrr noktað næmingum prógv fyri at parkera ólógliga – so hann meinar tað uttan iva í álvara!
