Jens Stoltenberg, sum er Nato-aðalskrivari, sigur í dag, at verjusamgongan ongar ætlanir hevur um at senda herfólk til Ukraina.
Tað var franski forsetin, sum bar hetta upp á mál á einari ráðstevnu um Ukraina í París í gjár.
Emmanuel Macron segði, at hann vildi ikki útiloka møguleikanum, at Frakland kundi senda herfólk til Ukraina.
Í dag sigur Nato-aðalskrivarin, Jens Stoltenberg, at Nato hevur ongar ætlanir um at senda herfólk til krígsherjaða landið.
Sambært tíðindastovuni NTB legði Jens Stoltenberg tó aftrat, at Russland førir eitt álopskríggj, sum er í stríð við altjóða rætt.
